Era fin dera gestion des risqui entara integritat ena contractacion publica d’ua institucion ei garantir qu'es recorsi d’aquera organizacion e era capacitat de decision s’empleguen entath «compliment e realizacion des fins institucionaus», en tot sostier e en tot priorizar er interès public per dessús es interèssi privadi.

Eth Burèu Antifrauda vos prepause ua metodologia que permete hèr ua identificacion, analisi e avaloracion des vòsti risqui, e ua planificacion e seguiment des accions adreçades a:

1. Redusir era probabilitat qu'es risqui identificadi se materializen (plan de prevencion)
2. Minimizar-ne es conseqüéncies s'es risqui s’arriben en materializar (plan de contingència)

Per hè'c, a cadua des fases deth cicle trobaratz:

• Un brèu explicacion de cada fasa damb es principaus objectius
• Era prepausa d’Antifrauda, damb documents e recorsi elaboradi peth Burèu e que vos pòden ajudar damb eth trabalh d’aquera fasa
• Es recomanacions e estruments de besonh entà portar ara practica cada fasa d’un procès de gestion de risqui en encastre dera contractacion publica