Oficina Antifrau
de Catalunya

Pogui emplegar ues entrades entà un espectacle qu'un provedidor a mandat ath mèn departament? Pogui a recargar era mia biciclèta o patinet electric en un endoll deth mèn lòc de trabalh?

DialÈtic ei un nau servici adreçat as servidors e servidores publics que aufrís un espaci de reflexion e sensibilizacion en matèria d’etica aplicada ara gestion publica.

Er espaci includís un canau de consulta a on se pòden adreçar aqueri dobtes o dilèmes etics que sorgissen en dia a dia dera activitat professionau e que, se non se gerissen adequadaments, pòden méter eth risc era integritat institucionau. DialÈtic incorpòre, tanben, seccions damb contenguts especializadi en matèria d’etica e integritat publica, càpsules de sensibilizacion, recorsi e estruments e exemples de dilèmes etics, entre d’aute.

En aguest vidèo, t’explicam damb mès detalh que consistís eth servici:

Er entorn qu'es servidors publics desvolòpen es sues foncions ei de mès en mès complèxes. Per generar confidança, es institucions non solaments lescau complir es leis e es principis que les inspiren, mès que tanben an d’incorporar era dimension etica ena sua accion.

Eth desvolopament des foncions de tot servidor public implique era gestion d’incertituds quotidianes en matèria etica que non tostemp son faciles de resòlver. En bères escadences, ath delà, pòt non resultar simple arreconéisher era pròpria existéncia d'ua problematica etica.

Per tot açò se met en marcha DialÈtic, que preten:

• Facilitar era incorporacion e consolidacion dera reflexion etica ena practica jornalièra deth servici public e era prenuda de decisions
• Sensibilizar dessús era aguda de besonh d’identificar e gerir es dilèmes o de aute problematiques o preocupacions etiques que sorgissen en entorn professionau
• Acompanhar es servidores e servidors publics en aguest procès de reflexion, en tot aportar ua vision extèrna

DialÈtic s’adrece a totes es persones que presten servicis en sector public de Catalonha, damb independéncia deth ligam juridic que mantenguen damb era administracion, organisme o entitat que se netracte.

Es consultes que s’adrecen en canau de supòrt an d’èster concernent situacions reaus qu'era persona en tot consultar age marge d’accion e ne sigue part implicada. Era rèsta de materiaus e recorsi disponibles tanben son pensadi entà hèr-ne un usatge individuau e adaptat ath ritme e interès de cadun.