Era fin de gerir es risqui entara integritat ena contractacion publica d’ua institucion ei garantir qu'es recorsi e era capacitat de decision s’empleguen entath «compliment e realizacion des fins institucionaus», en tot priorizar er interès public sus es interèssi privadi.

Eth punt de partida dera prevencion ei que, aquiu a on i a accès a recorsi publics e capacitat de decision, i a era possibilitat que quauquarrés les emplegue entà fins diferentes des previstes e priorize er interès privat enlòc deth public. Eth risc, donques, existís e cau gerir-lo entà aufrir era maximala garantie d’integritat institucionau.

Damb era aprobacion dera Lei 9/2017, de 8 de noveme, de contractes deth sector public, que se transposen ar ordenament juridic espanhòu es directives deth Parlament Europèu e deth Conselh 2014/23/UE e 2014/24/UE, de 26 de hereuèr de 2014 s’imposen entà eth naues obligacions en matèria de prevencion e luta contra era corrupcion, era fraudaria e aute irregularitats as organs de contractacion.

Gerir es risqui entara integritat ena contractacion publica facilitarà as institucions publiques determinar eth sòn grad de vulnerabilitat e dessenhar e implementar es mesures preventives mès avientes, atau coma preveir era responsa mès eficaça s'eth risc se materialize.

Aguesta guida, elaborada peth Burèu Antifrauda, preten facilitar as institucions publiques de Catalonha era analisi des pròpris risqui, atau coma es estruments e recorsi de besonh entà amiar a tèrme un prètzhèt preventiu en aguest encastre concrèt dera gestion publica. I trobaratz dus blòcs de contenguts:

• Era identificacion des 12 airaus de risc dera contractacion publica e era analisi des factors de risc mès abituau o mès grèus, resultat deth diagnostic amiat a tèrme peth Burèu Antifrauda
• Es passi a seguir per endegar un procès de gestion de risqui en aguest encastre concrèt

Aguesta guida sintetise er estudi amiat a tèrme peth Burèu Antifrauda en marc deth projècte Risqui entara integritat ena contractacion publica.